يسبف كلامنا سلامنا ع السامعين معنا
عصفور محندق يزقزق كلام موزون له معني
عن ارض سمرا
وقمره
ضفه نهر ومراكب
ورفاق مسيره عسيره
في عيون صبيه بهيه
عليها الكلام والمعني
************
مصر يا امه يا بهيه
يا ام طرحه وجلابيه
الزمن شاب
وأنتي شابه
هو رايح
وانتي جايه
جيه فوق الصعاب ماشيه
فات عليكي ليل وميه
واحتمالك هوهو
وأبتسامتك هي هي
تصحكي للصبح يصبح
بعد ليل ومغربيه
تطلع الشمس تلاقيكي
معجبانه وصبيه
يا بهيه
************
الليل جزاير جزاير
يمد البحر يفنيها
والفجر شعله ح تعلا
وعمر الموج ما يطويها
ولاشط باين مداين
عليها شمس طوافه
أيدك في ايدنا
ساعدنا
دي مهما الموجه تتعافي
بالعزم ساعه جماعه
وبالأصرار نخطيهل
مصر يا مه يا سفينه
مهما كان البحر عاتي
فلاحينك ملاحينك
يزعقوا في الريح يواتي
اللي ع الدفه صنايعي
واللي ع المجداف زناتي
واللي فوق الصاري كاشف
كل ماضي وكل اتي
عقدتين والتالته تابته
تركبي الموجه العفيه
توصلي بر السلامه
معجبانه وصبيه ..يا بهيه
ويعود كلامنا بسلامنا
ويطوف ع لاصحبه حلواني
عصفور محني
يغني علي الأفراح
ومن تاني
يرمي الغناوي تقاوي تبوس الأرض تتحني
تفرح وتطرح وتسرح
وترجع تاني تتغني
اللي بني مصر كان في الأصل
حلواني
م
ن
ق
و
ل
الأحد يونيو 19, 2011 2:18 am من طرف ayman gharip
موضوع: بــــــــــــــهـــــــــــــيــــــــــــــــــة 
